කරු ජයසූරියව එමිරේට්ස්
ගුවන් යානයෙන් බැස්සුවේ
වැඩි හොඳට - Emirates දන්වයි
කතානායක කරු ජයසූරිය පසුගියදා ශ‍්‍රී ලංකාවේ සිට සිංගප්පූරුව බලා පුද්ගලික වියදමින් වෛද්‍ය ප‍්‍රතිකාර සඳහා ගමන් කරන්නට යෙදුණ උත්සාහයකදී එමිරේට්ස් ගුවන් යානාවක අසුන් ගැනීමෙන් පසුව එහි යා නොහැකි බව දන්වා බස්සවා තිබූ අතර පසුව අපහසුතා විඳ ඔහු සිංගප්පූරු ගුවන් සේවය ඔස්සේ පැය 12 කට පටු දිවයිනෙන් පිටත්වීමේ සිද්ධියක් වාර්තාවී තිබුණි.
මෙම අපහසුතාවය ගැන
කතානායකවරයා ශ‍්‍රී ලංකාවේ එක්සත් අරාබි එමීර් රාජ්‍ය තානාපතිවරයා වෙත සිය කණස්සල්ල පළ කරමිින් ලිපියක් ලියා තිබුණ අතර එයට පිළිතුරු ලෙස තානාපතිවරයා අදාළ ගුවන් සේවාවට දන්වා ඇත්තේ කතානායකවරයාගෙන් සමාව ඉල්ලන ලෙසයි.
ඒ අනුව එමිරේට්ස් ගුවන් සමාගම කතානායක වරයාගෙන් සමාව ඉල්ලා ලිපියක් යොමු කර තිබේ.
කෙසේ වෙතත් සිද්ධිය නිසා කතානායකවරයා අපහසුතාවයට පත්වූයේ නම් සමාව ඉල්ලන බවද එමිරේට්ස් සමාගම දන්වා ඇත.
සිංගප්පූරුවට ගිය පසු සිදුකළ වෛද්‍ය පරීක්ෂණ අනුව කතානායකවරයාට මතුව ඇත්තේ හෘදය ආශ්‍රිත රෝගයක් නොව බැක්ටීරියා ආසාදනයක් බවට කරුණු හෙළි විය.
සිද්ධිය සම්බන්ධ පෙර ගොසිප් ලංකා වාර්තාව මෙතැනින්
