රුසියන් ජනාධිපති ව්ලැදිමීර් පුටින් ඝාතකයකු යැයි තමන් සිතන බව ඇමෙරිකා ජනාධිපති ජෝ බයිඩන් කියයි. ඇමෙරිකන් ජනාධිපතිවරයා මෙසේ කීව්වේ රූපවාහිනී සම්මුඛ සාකච්ඡාවකට එක් වෙමිනි. ජනාධිපති බයිඩන්, රුසියන් ජනාධිපති විවේචනය කරමින් අදහස් පළ කළේ ඒ.බී.සී. නාළිකාව සමඟ සම්මුඛ සාකච්ඡාවකට එක් වෙමිනි. සම්මුඛ සාකච්ඡාව මෙහෙයවූයේ මාධ්‍යවේදී ජෝර්ජ්  ස්ටෙපනොපලිස්ය. රුසියාවේ විපක්ෂ දේශපාලන ක්‍රියාකාරීන්ට සිදුවන කෙණෙහිලිකම් සම්බන්ධයෙන් ජනාධිපති බයිඩන් සම්මුඛ සාකච්ඡාවේදී අදහස් දැක්වීය.