ආරක්ෂිත පටි පැළඳ, අසුන මඳක් පසුපසට කර මෝටර් රථයේ ඉදිරිපස අසුනේ අමුත්තකු සේ හිඳුවා සිටි ඇය දෙස ඝාතකයා වාර අනන්තයක් බැලුවේය. මධ්‍යම රාත්‍රී දොළහට පේරාදෙණිය පාලම අසලින් ඇගේ මළසිරුර රැගෙන යද්දී සිතට දැනුණු මහා බිය පලවා හැරීමට ඔහු මුවින් සින්දු මුමුනමින් සිටියේය.

නුවරඑළිය ප්‍රදේශයේ සංචාරක නිකේතනයකදී තරුණ භෞත චිකිත්සකවරියක ගෙල සිරකර ඝාතනය කිරීමේ සාහසික සිදුවීමත් සමඟ සමාජය දැඩි කම්පනයකට පත් වූ අතර, මේ වන විට එම සිදුවීම සම්බන්ධයෙන් සිදු කෙරෙන විමර්ශනවලදී වඩාත්ම අවධානය යොමුව ඇත්තේ ඝාතකයාට නීතියෙන් බේරී සැඟව සිටීමට උපකාර කළ පුද්ගලයන් ජාලය වෙතයි. යුක්තිය පසිඳලීමට සහ අපරාධකරුවන් නීතියේ රැහැනට හසුකර දීමට බැඳී සිටින ඉහළ පෙළේ පොලිස් නිලධාරියෙකු මෙන්ම පළාත් පාලන ආයතනයක සේවකයෙකුද මෙම සාහසික අපරාධයේ ප්‍රධාන සැකකරුට සහ ඔහුගේ බිරිඳට රැකවරණය සපයමින් සහයෝගය දක්වා තිබීම මෙම සිද්ධියේ ඇති වඩාත්ම බරපතල සහ ආන්දෝලනාත්මක පැතිකඩ බවට පත්ව තිබේ.

පරිගණක මෘදුකාංග ඉංජිනේරුවරයකු ලෙස ව්‍යාජ ලෙස පෙනී සිටිමින් රටම කැළඹූ මහා පරිමාණ මූල්‍ය වංචාකරුවෙකු සහ ඝාතන සැකකරුවෙකු වන 43 හැවිරිදි චම්පික ශ්‍රියාන් ජයසුන්දරගේ පෞද්ගලික ජීවිතය සහ ඔහුගේ විවාහයන් පිළිබඳ තොරතුරු රැසක් මේ වන විට අනාවරණය වී තිබේ. වල්කැලේ ප්‍රදේශයේ පදිංචි මෙම පුද්ගලයා සමාජය ඉදිරියේ තමන් පේරාදෙණිය ප්‍රදේශයේ විශාල තේ වතු සහ හෝටල් හිමි, අලි ඇතුන් පවා සිටින ප්‍රභූ වලව් පැලැන්තියකින් පැවත එන්නෙකු බව පවසමින් ඉතා සුඛෝපභෝගී ජීවන රටාවක් මවාපා ඇත.

තෙල්දෙණිය ප්‍රදේශයේ රථගාලක නවතා තිබූ මෝටර් රථයක් තුළින් අම්පාර රෝහලේ භෞතචිකිත්සකවරියක වූ ශ්‍යාමා දර්ශනී නැමැති තරුණියගේ මල සිරුර සොයාගැනීමේ සිද්ධියේ ප්‍රධාන සැකකරු, ඔහුගේ අනියම් බිරිඳ සහ සිව් හැවිරිදි දරුවා අද නුවරඑළිය මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබේ. නුවරඑළිය කොට්ඨාශ භාර සහකාර පොලිස් අධිකාරී චන්දන බස්නායක මහතා සඳහන් කළේ, මෙම සැකකරුවන්ගෙන් වැඩිදුර ප්‍රශ්න කිරීම සඳහා රැඳවුම් නියෝග ලබාගැනීමට අපේක්ෂා කරන බවයි.

තෙල්දෙණිය ප්‍රදේශයේදී මෝටර් රථයක් තුළ දමාගොස් තිබූ කාන්තා මළ සිරුරක් සොයාගැනීමේ සිද්ධියේ ප්‍රධාන සැකකරුට රැකවරණය සහ සහාය දැක්වූ කුණ්ඩසාලේ ප්‍රාදේශීය සභාවේ රියදුරෙකු අද (24) දින පොලිස් අත්අඩංගුවට පත්ව තිබේ. නුවරඑළිය පොලිසියේ විශේෂ නිලධාරීන් කණ්ඩායමක් විසින් කුණ්ඩසාලේ ප්‍රදේශයේදී මෙම සැකකරු අත්අඩංගුවට ගත් බව නුවරඑළිය කොට්ඨාශ භාර සහකාර පොලිස් අධිකාරි 01 චන්දන බස්නායක මහතා තහවුරු කළේය.

තෙල්දෙණිය ප්‍රදේශයේදී මෝටර් රථයක් තුළ තිබී තරුණ භෞතචිකිත්සකවරියකගේ මළ සිරුරක් සොයාගැනීමේ සිද්ධිය හුදෙක් තනි පුද්ගල අපරාධයක් හෝ තවත් එක් අභිරහස් මිනීමැරුමක් පමණක් නොවේ. එය මෙරට නීතිය හා සාමය ක්‍රියාත්මක කරන ආයතන, අධිකරණ පද්ධතිය සහ අපරාධ විමර්ශන ජාලයන්හි පවතින බරපතළ සහ ව්‍යුහාත්මක බිඳවැටීමක් මනාව සංකේතවත් කරන කැඩපතකි.

තෙල්දෙණිය ප්‍රදේශයේදී මෝටර් රථයක් තුළ තිබී කාන්තා මළ සිරුරක් සොයාගැනීමේ සිද්ධිය සම්බන්ධයෙන් දින කිහිපයක් තිස්සේ සොයමින් සිටි ප්‍රධාන සැකකරු, ඔහුගේ බිරිඳ සහ කුඩා දරුවෙකු යාපනය ප්‍රදේශයේදී අත්අඩංගුවට ගැනීමට පොලිසිය සමත්ව තිබේ. මෙලෙස අත්අඩංගුවට පත් ප්‍රධාන සැකකරු මියගිය කාන්තාවගේ පෙම්වතා බවට පොලිස් ආරංචි මාර්ග සනාථ කරයි.

නුවරඑළිය ප්‍රදේශයේ කාමරයක් තුළදී ඝාතනයට ලක්වූ බවට සැකකෙරෙන භෞත චිකිත්සකවරියකගේ මරණය සම්බන්ධයෙන් සොයමින් සිටින ප්‍රධාන සැකකාර ව්‍යාජ පරිගණක මෘදුකාංග ඉංජිනේරුවරයාගේ අනියම් බිරිඳ, සිය වැඩිමල් දරුවන් දෙදෙනා සැකකරුගේ මහගෙදරට දමා පලාගොස් තිබේ. කුරුණෑගල නාරම්මල, දඹගිරිගම ප්‍රදේශයේ පිහිටි මෙම නිවසට ඉකුත් 21 වැනිදා පස්වරුවේ ත්‍රිරෝද රථයකින් පැමිණි ඇය, මෙලෙස දරුවන් දමා ගොස් ඇති බව නුවරඑළිය මූලස්ථාන පොලිසිය අනාවරණය කරයි.

නුවරඑළිය ප්‍රදේශයේ සුඛෝපභෝගී මහල් නිවාස සංකීර්ණයක කාමරයක් තුළ දී අභිරහස් අන්දමින් ජීවිතක්ෂයට පත්ව සිටි භෞත චිකිත්සකවරියකගේ සිරුර, මෝටර් රථයක ඉදිරිපස අසුනේ තබා ආරක්ෂිත පටිය ද පලඳවා මහනුවර සහ තෙල්දෙණිය ප්‍රදේශ වෙත ප්‍රවාහනය කළ පරිගණක මෘදුකාංග ඉංජිනේරුවරයෙකු ලෙස පෙනී සිටි ප්‍රධාන සැකකරු සොයා නුවරඑළිය මූලස්ථාන පොලීසිය ඇතුළු පොලිස් කණ්ඩායම් කිහිපයක් මේ වන විට පුළුල් විමර්ශන ආරම්භ කර තිබේ. මෙලෙස ඝාතනයට ලක්ව ඇත්තේ අම්පාර රෝහලේ භෞත චිකිත්සකවරියක ලෙස සේවය කළ රත්නායක පතිරණගේ ශ්‍යාමා දර්ශනී නමැති තරුණියකි.

තෙල්දෙණිය ප්‍රදේශයෙන් පසුගියදා වාර්තා වූ ඒ අභිරහස් මරණය මුළු මහත් ශ්‍රී ලංකාවම දැඩි කම්පනයකට මෙන්ම විස්මයට පත් කිරීමට සමත් විය. මුලදී සාමාන්‍ය මරණයක් හෝ සියදිවි නසාගැනීමක් ලෙස පෙනෙන්නට තිබුණද, මේ වන විට අධිකරණයෙන් විවෘත තීන්දුවක් ලැබී ඇති මෙම සිදුවීම පිටුපස ඇත්තේ දැඩි කුතුහලයකින් සහ වංචාවෙන් පිරුණු අඳුරු කතාවකි.

අධිකරණ කිහිපයකම වංචා නඩු පවතින පුද්ගලයෙකු නිදැල්ලේ හැසිරෙමින් තවත් ජීවිතයක් බිලිගන්නා තෙක් නීතිය ක්‍රියාත්මක කරන ආයතන අසමත් වීම සමස්ත සමාජයේම ආරක්ෂාව පිළිබඳ බරපතල ප්‍රශ්නාර්ථයකි. නුවරඑළිය ප්‍රදේශයේ ලැගුම්හලකදී අම්පාර මහරෝහලේ සේවය කළ 34 හැවිරිදි භෞත චිකිත්සකවරියක වූ ශම්‍යා දර්ශනී නමැති තරුණියගේ සැකකටයුතු සහ අභිරහස් මරණය, හුදෙක් තවත් එක් හුදකලා අපරාධ සිදුවීමක් පමණක් නොවේ.

නුවරඑළිය ප්‍රදේශයේ පිහිටි ලැගුම්හලකදී අම්පාර මහරෝහලේ සේවය කරනු ලැබූ තරුණ භෞත චිකිත්සකවරියක අභිරහස් සහ සැකකටයුතු අන්දමින් මියයාමේ සිද්ධිය සම්බන්ධයෙන් මේ වන විට මුළු රට පුරාම දැඩි ආන්දෝලනාත්මක සහ කනගාටුදායක තත්ත්වයක් නිර්මාණය වී තිබේ. මෙම තරුණියගේ මරණය සාමාන්‍ය ස්වභාවික මරණයක් නොවන බවට මූලික පරීක්ෂණවලදීම සැක කළ විමර්ශන නිලධාරීන්, එය කිසියම් පුද්ගලයෙකු විසින් ගෙල සිර කිරීමකින් සිදු කරන ලද දරුණු ඝාතනයක් බවට මේ වන විට ප්‍රබල සාක්ෂි සහිතව සැක පළ කර සිටිති.

අනාගතය පිළිබඳ දහසක් සුන්දර සිහින සිතේ දරාගෙන කැනඩාව බලා පියාසර කිරීමට සැරසුණු තරුණියකගේ ජීවිත ගමන, තෙල්දෙණිය දිසා රෝහල් රථ ගාලේ නවතා තිබූ මෝටර් රථයක් තුළ අතිශය ඛේදනීය ලෙස නිමාවට පත්ව තිබේ. ඇගේ සීතල වූ මළ සිරුර රථයේ ඉදිරිපස අසුනේ ආරක්ෂිත පටියද පැලඳ සිටියදී සොයා ගැනෙන විටත්, ඇය සිය ජීවිතයටත් වඩා විශ්වාස කළ පෙම්වතා ඇයව මරණයේ අඳුරට තල්ලු කර අතුරුදන්ව සිටියේය.

නුවරඑළිය ප්‍රදේශයේ මහල් නිවාස සංකීර්ණයක රැඳී සිටියදී අතුරුදන් වූ තරුණියකගේ මෘත ශරීරය තෙල්දෙණිය රෝහල අසල රථගාලක නවතා තිබූ මෝටර් රථයක තිබී පොලීසිය විසින් සොයාගෙන තිබේ. මෙලෙස අභිරහස් ලෙස මියගොස් ඇත්තේ අම්පාර මහ රෝහලේ භෞත චිකිත්සකවරියක ලෙස සේවය කළ, 34 හැවිරිදි වියේ පසු වූ ශ්‍යාමා දර්ශනී නමැති තරුණියකි.

මහනුවර තෙල්දෙණිය රෝහල ආසන්නයේ නවතා තිබූ මෝටර් රථයක තිබී පසුගිය 17 වනදා සොයාගත් තරුණියගේ මළ සිරුර සම්බන්ධයෙන් සිදුකෙරෙන විමර්ශනවලදී තොරතුරු රැසක් අනාවරණය වී තිබේ. පොලිස් ආරංචි මාර්ග සඳහන් කරන්නේ මෝටර් රථය තුළ කාන්තා සිරුරක් පවතින බවට පොලිසියට දුරකථන ඇමතුමක් ලබාදී මුලින්ම දැනුම් දී ඇත්තේ ඇගේ පෙම්වතා විසින් බවයි.

තෙල්දෙණිය මූලික රෝහලේ රථගාලේ නවතා තිබූ මෝටර් රථයක් තුළ තිබී අභිරහස් ලෙස මියගොස් සිටි කාන්තාවකගේ මළ සිරුරක් ඊයේ 17 වන දින සවස් කාලයේදී පොලීසිය විසින් සොයාගෙන තිබේ. තෙල්දෙණිය පොලිස් ස්ථානාධිපති මූලස්ථාන ප්‍රධාන පොලිස් පරීක්ෂක එම්.ඩී.