අනුරාධපුර හිටපු අටමස්ථානාධිපති පල්ලේගම හේමරතන හිමියන්ට එරෙහිව පවතින බාලවයස්කාර දැරියකට බරපතළ ලිංගික හිංසනයක් සිදුකිරීමේ සිදුවීමට අදාළව, නිට්ටඹුව පොලිසිය භාරයට ගෙන තිබූ පාපිස්සේ සැකකාර හිමියන්ගේ ශුක්‍රාණු තැවරී තිබූ බව රජයේ රසපරීක්ෂක වාර්තාව මගින් තහවුරු කර ඇත. අනුරාධපුර ප්‍රධාන මහේස්ත්‍රාත් අධිකරණය වෙත ගොනු කෙරුණු B 22424/2026 නඩු අංකය දරන මෙම රසපරීක්ෂක නිල වාර්තාවේ පිටපතක් නීතිපතිවරයා වෙත ද යොමු කර තිබේ.

15 හැවිරිදි බාලවයස්කාර දැරියක බරපතළ ලෙස ලිංගික අපයෝජනයට ලක් කිරීමේ චෝදනාවට ලක්ව සිටින පල්ලේගම හේමරතන හිමියන් දැරූ "නුවර කලාවියේ ප්‍රධාන සංඝනායක" පදවිය ඇතුළු සියලු තානාන්තර වහාම ක්‍රියාත්මක වන පරිදි අත්හිටුවීමට මල්වතු මහා විහාරීය කාරක මහා සංඝ සභාව පියවර ගෙන තිබේ. මල්වතු පාර්ශවයේ මහානායක මාහිමිපාණන් වහන්සේගේ උපදෙස් හා අනුශාසනා පරිදි මෙම තීරණය ගෙන ඇති අතර, දැනට පවතින අධිකරණ ක්‍රියාමාර්ග අවසන් වී ස්ථිර තීන්දුවක් ලැබෙන තෙක් මෙම තහනම බලපැවැත්වෙනු ඇත.

ශුද්ධ වූ සිවුරේ මුවාවෙන් අහිංසකත්වයේ ගෙල සිරකළ අමානුෂික අපරාධයක අඳුරු සෙවණැලි මේ දිනවල සමස්ත ශ්‍රී ලාංකීය සමාජයේම හෘද සාක්ෂිය දැඩි ලෙස ප්‍රශ්න කරමින් සිටී.

මාතලේ දිස්ත්‍රික්කයට අයත් දඹුල්ලේ පල්ලේගම නමැති රමණීය ගම්පියස කේන්ද්‍ර කරගනිමින් 1954 වර්ෂයේ ජූනි මස 15 වැනි දින උපත ලැබූ නන්දසේන කුල කුමරුවා පසුකාලීනව මෙරට බෞද්ධ ඉතිහාසයේ සුවිශේෂී සලකුණක් බවට පත්විය. කරඳගොල්ල වලව්වේ කිරිබණ්ඩා නිලමේතුමාට සහ කරුණා කුමාරිහාමි මැතිණියට දාව උපන් එකම දරුවා වූ මොහු, සිය මූලික අධ්‍යාපන කටයුතු සඳහා මුලින්ම බුලාගල ප්‍රාථමික විද්‍යාලය වෙත යොමු කෙරුණි.

නීතිය සහ යුක්තිය පසිඳලන දේවස්ථානයක් බඳු අධිකරණය හමුවේ, ධනය, බලය සහ ආගමික සළුපිළිවලින් සැරසුණු දැවැන්ත පවුරක් ඉදිරියේ තනි ගැහැනියක අභීතව නැඟී සිටින අයුරු ඔබ කවදා හෝ දැක තිබේද?

අනුරාධපුර ජයශ්‍රී මහා බෝධි විහාරාධිපති අටමස්ථානාධිපති පල්ලෙගම හේමරතන හිමි බාලවයස්කාර දැරියක අපයෝජනය කිරීම හේතුවෙන් අත්අඩංගුවට පත්ව ඊට අදාළ නඩුවට ඊයේ (22) සහභාගීවීමත් සමග ජාත්‍යන්තර මාධ්‍ය තුළ තහවුරු කළ පුවතක් ලෙස මෙම අපයෝජන ක්‍රියාව වාර්තා කර තිබේ. විශේෂයෙන් AP හා AFP පුවත් ජාලාවන් ඔස්සේ මෙය වාර්තාවීම නිසා ලොව පුරා ජාත්‍යන්තර මාධ්‍ය එම ජාලය උපුටමින් මෙම සිද්ධිය ලොවට ප්‍රකාශ කර ඇති අතර  බොහොමයක සඳහන් වන්නේ මෙලෙසිනි.

නිර්මල කහ සිවුරේ මුවාවෙන් සිදුවූ අඳුරු අපරාධයක රහස් අධිකරණය හමුවේ දිගහැරෙද්දී, මුළු මහත් සමාජයකම හෘද ස්පන්දනය මොහොතකට නතර විය. අද අධිකරණයේදී හිමි නම බේරාගන්නට සාක්ෂි අඩුවෙන් කියන පොලිසිය හා දැරිය වෙනුවෙන් සාධාරණය ඉටුකරන්නට ළමාආරක්ෂක අධිකාරිය දැක්වූ සටන නිරූපණය විය.

පහළොස් හැවිරිදි බාලවයස්කාර දැරියකට බරපතළ ලෙස ලිංගික හිංසනයක් සිදු කළේ යැයි චෝදනා ලබා සිටින අටමස්ථානාධිපති පූජ්‍ය පල්ලේගම හේමරතන හිමියන්ව එළඹෙන 22 වන දා දක්වා තවදුරටත් රක්ෂිත බන්ධනාගාරගත කිරීමට කොළඹ කොටුව මහේස්ත්‍රාත්වරයා අද (13) නියෝග කළේය.

මේ දිනවල මෙරට සමාජය තුළ දැඩි කතාබහකට ලක්ව ඇති අටමස්ථානාධිපති හිමියන්ගේ නම සම්බන්ධ වී තිබෙන බාලවයස්කාර දැරියක් අපයෝජනය කිරීමේ සිද්ධිය මේ වන විට පොලිසිය සහ ළමා ආරක්ෂණ අධිකාරිය යටතේ පුළුල් විමර්ශනයකට ලක්වෙමින් පවතී. අනුරාධපුර ප්‍රදේශයේ පදිංචිව සිටි වයස අවුරුදු 15ක දැරියක අනුරාධපුර-කොළඹ බස් රථයක කොන්දොස්තරවරයෙකු සමඟ නිට්ටඹුව ප්‍රදේශයට පැන යාමේ සිදුවීමක් සම්බන්ධයෙන් ඇයගේ මව විසින් නිට්ටඹුව පොලිසියට කරන ලද පැමිණිල්ලක් මත මෙම පුළුල් අපරාධ ජාලය අනාවරණය වී තිබේ.

පහළොස් හැවිරිදි බාලවයස්කාර දැරියක් බරපතළ ලිංගික අපයෝජනයකට ලක් කිරීමේ සිද්ධියක් සම්බන්ධයෙන් අටමස්ථානාධිපති පල්ලේගම හේමරතන හිමියන්ගෙන් පොලීසිය විසින් ප්‍රකාශයක් සටහන් කරගෙන ඇති අතර, උන්වහන්සේ අත්අඩංගුවට ගැනීම සඳහා නිට්ටඹුව පොලීසියේ නිලධාරීන් කණ්ඩායමක් ඊයේ අනුරාධපුරයට ගොස් වැඩවාසය කරන විහාරස්ථානය වටලා තිබේ. සමාජය තුළ දැඩි කතාබහක් සහ සංවේගයක් නිර්මාණය කර ඇති අනුරාධපුර පුදබිම කේන්ද්‍ර කරගත් මෙම අපරාධයේ ප්‍රධාන සැකකරු ලෙස සැලකෙන්නේ අටමස්ථානාධිපති හිමියන් බව පොලිස් ආරංචි මාර්ග තහවුරු කරයි.