එක්සත් ජනපදය ඉරානය තුළ ප්රධාන යුද මෙහෙයුම් දියත් කරන බව ජනාධිපති ට්රම්ප් සෙනසුරාදා නිවේදනය කළේය. ට්රම්ප් සිය Truth Social ජාලයේ වීඩියෝවක් මගින් බෙදාගත් ඔහුගේ සම්පූර්ණ ප්රකාශයේ පිටපත පහතින් කියවන්න.
"සුළු මොහොතකට පෙර, එක්සත් ජනපද හමුදාව ඉරානය තුළ ප්රධාන යුද මෙහෙයුම් ආරම්භ කළේය. අපගේ අරමුණ වන්නේ, ඉතා දැඩි, බිහිසුණු මිනිසුන්ගෙන් යුත් දුෂ්ට කණ්ඩායමක් වන ඉරාන පාලන තන්ත්රයෙන් එල්ල වන ආසන්න තර්ජන ඉවත් කිරීම මගින් ඇමරිකානු ජනතාව ආරක්ෂා කිරීමයි. එහි තර්ජනාත්මක ක්රියාකාරකම් මගින් එක්සත් ජනපදය, අපගේ හමුදා, විදේශයන්හි ඇති අපගේ කඳවුරු සහ ලොව පුරා සිටින අපගේ මිත්ර පාර්ශවයන් සෘජුවම අනතුරේ හෙළයි. වසර 47ක් පුරා ඉරාන පාලන තන්ත්රය "ඇමරිකාවට මරණය" යනුවෙන් ඝෝෂා කරමින්, එක්සත් ජනපදය, අපගේ හමුදා සහ බොහෝ රටවල අහිංසක මිනිසුන් ඉලක්ක කර ගනිමින් ලේ වැගිරීම් සහ සමූහ ඝාතන පිළිබඳ නිමක් නැති ව්යාපාරයක් දියත් කර ඇත.
මෙම පාලන තන්ත්රයේ මුල්ම ක්රියාවන්ගෙන් එකක් වූයේ, ටෙහෙරානයේ එක්සත් ජනපද තානාපති කාර්යාලය ප්රචණ්ඩ ලෙස අත්පත් කර ගැනීමට සහාය දීම සහ ඇමරිකානුවන් දුසිම් ගණනක් දින 444ක් ප්රාණ ඇපයේ තබා ගැනීමයි. 1983 දී, ඉරානයේ නියෝජිතයන් විසින් බීරූට්හි නාවික හමුදා බැරැක්කයට බෝම්බ ප්රහාරයක් එල්ල කරමින් ඇමරිකානු හමුදා නිලධාරීන් 241 දෙනෙකු ඝාතනය කරන ලදී. 2000 වසරේදී, USS Cole නෞකාවට එල්ල වූ ප්රහාරය ගැන ඔවුන් දැන සිටි අතර බොහෝ විට ඊට සම්බන්ධ වී සිටින්නට ඇත. බොහෝ දෙනෙක් මිය ගියහ. ඉරාන හමුදා ඉරාකයේ ඇමරිකානු හමුදා සාමාජිකයින් සිය ගණනක් ඝාතනය කර ආබාධිත කළහ. මෑත වසරවලදී මැදපෙරදිග ස්ථානගත කර සිටින ඇමරිකානු හමුදාවන්ට මෙන්ම ජාත්යන්තර නැව් මාර්ගවල ගමන් කරන එක්සත් ජනපද නාවික සහ වාණිජ යාත්රාවලට එරෙහිව මෙම පාලනයේ නියෝජිතයන් විසින් ගණන් කළ නොහැකි තරම් ප්රහාර එල්ල කිරීම අඛණ්ඩව සිදු කර ඇත. එය මහා ත්රස්තවාදයක් වී ඇති අතර, අප තවදුරටත් එය ඉවසා සිටින්නේ නැත.
ලෙබනනයේ සිට යේමනය දක්වා ද, සිරියාවේ සිට ඉරාකය දක්වා ද, මෙම පාලන තන්ත්රය විසින් පෘථිවිය ලෙයින් සහ මස්වලින් තෙත් කළ ත්රස්තවාදී මිලීෂියාවන් සන්නද්ධ කර, පුහුණු කර සහ අරමුදල් සපයා ඇත. අපේ පුරවැසියන් 12 දෙනෙකු ප්රාණ ඇපයට ගනිමින්, ඇමරිකානුවන් 46 දෙනෙකු ඇතුළුව අහිංසක මිනිසුන් 1000කට වැඩි පිරිසක් ඝාතනය කරමින්, ඊශ්රායලයට ඔක්තෝබර් 7 වැනිදා එල්ල කළ බිහිසුණු ප්රහාරය දියත් කළේ ඉරානයේ නියෝජිත හමාස් සංවිධානයයි. එය කෲර විය. ලෝකය මින් පෙර කිසි දිනෙක දැක නැති ආකාරයේ දෙයක් විය.
ඉරානය ලෝකයේ අංක එකේ ත්රස්තවාදයට අනුග්රහය දක්වන රාජ්යය වන අතර, මෑතකදී ඔවුන් විරෝධතා දැක්වූ තම පුරවැසියන් දස දහස් ගණනක් මහමගදී ඝාතනය කළේය. මෙම ත්රස්තවාදී පාලනයට කිසිදාක න්යෂ්ටික අවියක් ලබා ගත නොහැකි බව සැමවිටම එක්සත් ජනපදයේ, විශේෂයෙන්ම මගේ පරිපාලනයේ ප්රතිපත්තිය වී ඇත. මම එය නැවතත් කියන්නම්. ඔවුන්ට කිසිදා න්යෂ්ටික අවියක් ලබා ගත නොහැක.
පසුගිය ජුනි මාසයේ ක්රියාත්මක වූ 'මිඩ්නයිට් හැමර්' (Operation Midnight Hammer) මෙහෙයුමේදී, ෆෝඩෝ (Fordow), නටාන්ස් (Natanz) සහ ඉස්ෆහාන් (Isfahan) හි පිහිටි මෙම පාලන තන්ත්රයේ න්යෂ්ටික වැඩසටහන අප විසින් විනාශ කර දැමුවේ ඒ නිසයි.
එම ප්රහාරයෙන් පසුව, න්යෂ්ටික අවි සඳහා ඔවුන්ගේ ද්වේෂසහගත හඹා යාම කිසිදා නැවත ආරම්භ නොකරන ලෙස අපි ඔවුන්ට අනතුරු ඇඟවූ අතර, ගිවිසුමකට එළඹීමට අපි නැවත නැවතත් උත්සාහ කළෙමු. අපි උත්සාහ කළා. ඔවුන්ට එය කිරීමට අවශ්ය වුණා. ඔවුන්ට එය කිරීමට අවශ්ය වුණේ නැහැ. නැවතත්, ඔවුන්ට එය කිරීමට අවශ්ය වුණා. ඔවුන්ට එය කිරීමට අවශ්ය වුණේ නැහැ. මොනවද වෙන්නේ කියලා එයාලා දැනගෙන හිටියේ නැහැ. ඔවුන්ට අවශ්ය වූයේ නපුර ක්රියාත්මක කිරීමට පමණි.
නමුත් දශක ගණනාවක් තිස්සේ ඔවුන් කළාක් මෙන්ම ඉරානය එය ප්රතික්ෂේප කළේය. ඔවුන්ගේ න්යෂ්ටික අභිලාෂයන් අත්හැරීමට තිබූ සෑම අවස්ථාවක්ම ඔවුන් ප්රතික්ෂේප කළ අතර, අපට තවදුරටත් එය ඉවසා සිටිය නොහැක.
ඒ වෙනුවට, ඔවුන් තම න්යෂ්ටික වැඩසටහන නැවත ගොඩනැගීමට සහ යුරෝපයේ සිටින අපගේ ඉතා හොඳ මිතුරන්ට සහ මිත්ර පාර්ශ්වයන්ට, විදේශයන්හි ස්ථානගත කර සිටින අපගේ හමුදාවන්ට තර්ජනය කළ හැකි සහ ඉක්මනින්ම ඇමරිකානු මාතෘ භූමියට ළඟා විය හැකි දිගු දුර මිසයිල අඛණ්ඩව සංවර්ධනය කිරීමට උත්සාහ කළහ. ඔවුන්ගේ පණිවිඩය ලබා දීමේ මාධ්යයක් ලෙස ඔවුන්ට කවදා හෝ න්යෂ්ටික අවි තිබුණේ නම් සහ ඇත්ත වශයෙන්ම ඒවායින් සන්නද්ධව සිටියේ නම්, මෙම පාලන තන්ත්රය කෙතරම් නිර්භීත වනු ඇත්දැයි මොහොතක් සිතා බලන්න.
මෙම හේතූන් නිසා, මෙම ඉතා දුෂ්ට, රැඩිකල් ඒකාධිපතිත්වය ඇමරිකාවට සහ අපගේ මූලික ජාතික ආරක්ෂක අවශ්යතාවලට තර්ජනය කිරීම වැළැක්වීම සඳහා එක්සත් ජනපද හමුදාව දැවැන්ත සහ අඛණ්ඩ මෙහෙයුමක් දියත් කරමින් සිටී. අපි ඔවුන්ගේ මිසයිල විනාශ කර ඔවුන්ගේ මිසයිල කර්මාන්තය මුළුමනින්ම බිමට සමතලා කරනවා. එය සම්පූර්ණයෙන්ම, නැවතත්, විනාශ කර දැමෙනු ඇත.
අපි ඔවුන්ගේ නාවික හමුදාව සමූලඝාතනය කිරීමට යනවා. කලාපයේ ත්රස්තවාදී නියෝජිතයින්ට තවදුරටත් කලාපය හෝ ලෝකය අස්ථාවර කිරීමට සහ අපගේ හමුදාවන්ට පහර දීමට නොහැකි බවත්, බොහෝ ඇමරිකානුවන් ඇතුළුව දහස් ගණනක් ජනතාව බරපතල ලෙස තුවාල කිරීමට සහ මරා දැමීමට ඔවුන්ගේ IED (ගෙදර හැදූ බෝම්බ) හෝ ඇතැම් විට හඳුන්වන පරිදි මාර්ග අයිනේ බෝම්බ තවදුරටත් භාවිතා කළ නොහැකි බවත් අපි සහතික කිරීමට යනවා.
තවද ඉරානයට න්යෂ්ටික අවියක් ලබා ගැනීමට නොහැකි බව අපි සහතික කරන්නෙමු. එය ඉතා සරල පණිවිඩයක්. ඔවුන්ට කිසිදා න්යෂ්ටික අවියක් ලබා ගත නොහැක.
එක්සත් ජනපද සන්නද්ධ හමුදාවන්ගේ ශක්තියට සහ බලයට කිසිවෙකු අභියෝග නොකළ යුතු බව මෙම පාලනය ඉක්මනින්ම ඉගෙන ගනු ඇත. මම මගේ පළමු පරිපාලනය තුළ අපගේ හමුදාව ගොඩනඟා නැවත ගොඩනඟා ඇති අතර, පෘථිවියේ කිසිදු හමුදාවක් එහි බලයට, ශක්තියට හෝ නවීනත්වයට ආසන්නව හෝ නැත. කලාපයේ එක්සත් ජනපද නිලධාරීන්ට ඇති අවදානම අවම කිරීම සඳහා මගේ පරිපාලනය හැකි සෑම පියවරක්ම ගෙන ඇත. එසේ වුවද, මම මෙම ප්රකාශය සැහැල්ලුවට නොකියමි, ඉරාන පාලන තන්ත්රය මරා දැමීමට උත්සාහ කරයි. ධෛර්ය සම්පන්න ඇමරිකානු වීරයන්ගේ ජීවිත අහිමි විය හැකි අතර අපට ජීවිත හානි සිදුවිය හැකිය. ඒක යුද්ධෙදි නිතරම වෙන දෙයක්. නමුත් අපි මෙය කරන්නේ, අද වෙනුවෙන් නොවේ. අපි මෙය කරන්නේ අනාගතය වෙනුවෙන්, එය උතුම් මෙහෙවරක්.
න්යෂ්ටික අවිවලින් සන්නද්ධ ඉරානයක් විසින් ඇමරිකානුවන්ට සහ අපගේ දරුවන්ට කිසිදා තර්ජනයක් නොවන බව සහතික කිරීම සඳහා ඔවුන් නිහතමානීව තම ජීවිත පරදුවට තබන බැවින්, අපි සෑම හමුදා සාමාජිකයෙකු වෙනුවෙන්ම යාඥා කරමු. අනතුරේ සිටින අපගේ සියලුම වීරයන් ආරක්ෂා කරන ලෙස අපි දෙවියන් වහන්සේගෙන් ඉල්ලා සිටින අතර, ඔහුගේ උපකාරයෙන්, සන්නද්ධ හමුදාවන්ගේ පිරිමින් සහ කාන්තාවන් ජයගනු ඇතැයි අපි විශ්වාස කරමු. අපට ලෝකයේ ශ්රේෂ්ඨතම හමුදාව සිටින අතර, ඔවුන් ජයග්රහණය කරනු ඇත.
ඉස්ලාමීය විප්ලවවාදී ආරක්ෂක බලකායේ සාමාජිකයින්ට, සන්නද්ධ හමුදාවන්ට සහ සියලුම පොලිස් නිලධාරීන්ට මම අද රාත්රියේ පවසන්නේ, ඔබ ඔබේ ආයුධ බිම තබා සම්පූර්ණ මුක්තිය ලබා ගත යුතු බවත්, එසේ නොමැතිනම් ස්ථිර මරණයට මුහුණ දිය යුතු බවත්ය. එබැවින් ඔබේ ආයුධ බිම තබන්න. පූර්ණ මුක්තිය සහිතව ඔබට සාධාරණව සලකනු ඇත, නැතහොත් ඔබ ස්ථිර මරණයකට මුහුණ දෙනු ඇත.
අවසාන වශයෙන්, ඉරානයේ ශ්රේෂ්ඨ, අභිමානවත් ජනතාවට මම අද රාත්රියේ පවසන්නේ ඔබේ නිදහසේ පැය අත ළඟ බවයි. ආරක්ෂිතව සිටින්න. ඔබේ නිවසින් පිටව යන්න එපා. පිටත ගොඩක් භයානකයි. හැමතැනම බෝම්බ වැටේවි. අපි අවසන් කළ පසු, ඔබේ රජය භාර ගන්න. එය ලබා ගැනීම ඔබට භාරයි. පරම්පරා ගණනාවකට මෙය බොහෝ විට ඔබේ එකම අවස්ථාව වනු ඇත.
වසර ගණනාවක් තිස්සේ ඔබ ඇමරිකාවේ උදව් ඉල්ලා සිටියත් එය ඔබට කිසිදා ලැබුණේ නැත. මම අද රාත්රියේ කිරීමට කැමති දේ කිරීමට කිසිම ජනාධිපතිවරයෙක් කැමති වුණේ නැහැ. දැන් ඔබට අවශ්ය දේ ලබා දෙන ජනාධිපතිවරයෙක් සිටින නිසා ඊට ඔබ දක්වන ප්රතිචාරය බලමු. ඇමරිකාව ඔබට අතිමහත් ශක්තියකින් සහ විනාශකාරී බලයකින් පිටුබලය දෙයි. දැන් ඔබේ ඉරණම පාලනය කිරීමටත්, ඔබට ළඟාවිය හැකි සමීපයේ ඇති සමෘද්ධිමත් සහ තේජාන්විත අනාගතය මුදා හැරීමටත් කාලයයි. මෙය ක්රියාත්මක වීමේ මොහොතයි. එය මඟ හැරීමට ඉඩ නොදෙන්න.
ඇමරිකාවේ සන්නද්ධ හමුදාවන්හි නිර්භීත පිරිමින්ට සහ කාන්තාවන්ට දෙවි පිහිටයි. ඇමරිකා එක්සත් ජනපදයට දෙවි පිහිටයි. ඔබ සැමට දෙවි පිහිටයි. ස්තුතියි."
