ලොවටම බදු ගසා පාඩු කරන අතර ට්‍රම්ප් පවුල ඩොලර් බිලියන ගණනින් පොහොසත් වූ හැටි හෙළිවේ

ඩොනල්ඩ් ට්‍රම්ප් ගෝලීය වෙළඳපොළට විශාල හානියක් සිදු කර ඇත. ඔහු විසින් පනවන ලද තීරුබදු නිසා බොහෝ රටවල් පීඩාවට පත්ව ඇති අතර, එය ඇමෙරිකාවට පවා අවාසිදායක විය හැකිය. කෙසේ වෙතත්, ට්‍රම්ප් ලෝක ආර්ථිකයට හානි කළත්, ඔහුගේ පවුල දිනෙන් දින දියුණු වෙමින් තිබේ.  

සිය ජනපති බලතල උපයෝගයෙන් තමන්ගේ පුතුන් සිදුකරන ක්‍රිප්ටො ව්‍යාපාරයක් වාසි දායක ලෙස ඉහළට නැංවීම පසුපස ට්‍රප්ගේ උපායශීලී මානසිකත්වය හෙළිවන බව විදෙස් මාධ්‍ය සඳහන් කරයි.
පසුගිය වසර කිහිපය තුළ ට්‍රම්ප්ගේ පවුලේ ආදායම බොහෝ ගුණයකින් වැඩි වී ඇති අතර, ඔහුගේ පුතුන් මහා ධනවතුන් බවට පත්ව ඇත. ෆෝබ්ස් සඟරාවට අනුව, එරික් ට්‍රම්ප් දැන් බිලියනපතියන්ගේ ලැයිස්තුවට එක් වී ඇත. 

දෙවන ධුර කාලය තුළ ඩොනල්ඩ් ට්‍රම්ප්ගේ තීරණ බොහෝ රටවල් ප්‍රශ්න කර ඇත. ඉන්දියාව සමඟ සබඳතා බිඳ දැමීම හෝ ඉරානය වැනි රටවල් කෙරෙහි ඔහුගේ දැඩි ආකල්පය බොහෝ විවාදයට තුඩු දී ඇත.

දැන් ට්‍රම්ප් තම පුතුන් නිසාම නව මතභේදයකට මුහුණ දී සිටී. ඇමෙරිකාවේ ඩොනල්ඩ් ට්‍රම්ප්ගේ පුතුන් ඔවුන්ගේ crypto සමාගම කොටස් වෙළඳපොළට ඇතුළත් කිරීමත් සමඟ, එහි කොටසක මිල ඩොලර් 7.59 සිට ඩොලර් 14 දක්වා ඉහළ ගියේය. ට්‍රම්ප් පවුලේ කොටස් වටිනාකම ඩොලර් බිලියන 5 (පවුම් බිලියන 3.7) දක්වා ඉහළ ගොස් ඇත.

2024 දී ඩොනල්ඩ් ට්‍රම්ප්ගේ මුළු ආදායම ඩොලර් මිලියන 600 ඉක්මවූ බව වාර්තා විය. ඔහුගේ ව්‍යාපාර අතරට crypto ගනුදෙනු, බලපත්‍ර, වරප්‍රසාද සහ දේපල ව්‍යාපාර ඇතුළත් වන අතර, ඒවායින් ට්‍රම්ප් වැඩිම ආදායමක් උපයයි.

එරික් ට්‍රම්ප් සහ ඩොනල්ඩ් ට්‍රම්ප් කනිෂ්ඨ එක්ව ඔවුන්ගේ Bitcoin Corp සමාගම ආරම්භ කළහ. ට්‍රම්ප්ගේ විරුද්ධවාදීන් ඔහුට චෝදනා කරන්නේ, තම පවුලේ ව්‍යාපාරය දියුණු කිරීමට ඔහු තම තනතුර භාවිතා කරන බවයි. ට්‍රම්ප් තම මැතිවරණ ව්‍යාපාරයේදී crypto සඳහා දැඩි නීති ගෙන ඒමට පොරොන්දු වුවත්, දැන් ඔහුගේ පුතුන් Bitcoin සමාගමක් පවත්වාගෙන යමින් ඩොලර් මිලියන ගණනක් උපයති. මෑතකදී crypto සඳහා සහය දැක්වීමට නීතියක් ද සම්මත විය.


ට්‍රම්ප් crypto පිළිබඳව කලින් දැරූ ආකල්පය සහ එය වෙනස් වූ ආකාරය ගැන දැන් බලමු. වසර කිහිපයකට පෙර ට්‍රම්ප් crypto වංචාවක් ලෙස හැඳින්වූ අතර, එයට දැඩි ලෙස විරුද්ධ විය. නමුත් මැතිවරණයේදී crypto අංශයෙන් ලැබුණු සහයෝගය නිසා ඔහුගේ අදහස් වෙනස් වීමට පටන් ගත්තේය.

World Liberty Financial වැනි සමාගම් සමඟ ට්‍රම්ප් සබඳතා ඇති කර ගත් අතර, පසුව ඔහුගේ පවුලද මෙම ව්‍යාපාරයට එක් විය.

2025 ජූලි මාසයේදී ඇමෙරිකාව සිය පළමු ජාතික crypto නීතිය 'ජීනියස් පනත' ලෙස සම්මත කළේය. මෙම නීතිය මගින් crypto ව්‍යාපාරවලට නව දිශාවක් ලබා දෙන අතර, එය ප්‍රධාන ධාරාවට ගෙන ඒමට උත්සාහ කරනු ලැබේ. කෙසේ වෙතත්, ට්‍රම්ප්ට චෝදනා එල්ල වන්නේ තම පවුලේ දේපළ වැඩි කර ගැනීමට සහ තම තනතුර අනිසි ලෙස භාවිතා කිරීමටයි.
(NDTV ඇසුරිනි)