හිටපු පාර්ලිමේන්තු මන්ත්රී ප්රේමනාත් සී. දොලවත්ත මහතා මාධ්ය හමුවකදී අදහස් දක්වමින් 2022 මැයි 09 වන දින 'අරගලය' උද්ඝෝෂණ ව්යාපාරය අතරතුර සිදු වූ මහජන කැරලි අතරතුර දේපල හානියට පත් වූ දේශපාලනඥයින්ට වන්දි ලබා දීම පිළිබඳව පරීක්ෂණ පැවැත්වීමට රජය සැලසුම් කරන එක හොඳ බවත් තමා රජයෙන් ඉල්ලා සිටින්නේ විධිමත් පරීක්ෂණ ආරම්භ කරන ලෙසත්ය.
එමඟින් වන්දි ලැබූ පුද්ගලයින්ට අදාළ චෝදනාවලට පිළිතුරු සැපයීමටත්, සෘජුව සහභාගී නොවී මෙම ප්රහාර සිදු කිරීමට පෙළඹවූ පුද්ගලයින් සැකකරුවන් ලෙස නම් කිරීමටත් හැකියාව ලැබෙනු ඇතැයි ඔහු කියයි.
"මහජන විරෝධතා ව්යාපාරය හෙවත් 'අරගලය' සමයේදී පාර්ලිමේන්තු මන්ත්රීවරුන්ගේ නිවාස හා දේපල විනාශ කිරීම සම්බන්ධයෙන් වගකිව යුතු පුද්ගලයින් හඳුනා ගැනීම සඳහා විධිමත් පරීක්ෂණයක් පැවැත්විය යුතුය," යැයි ඔහු අවධාරණය කළේය.
තවද, මැයි 09 සිදුවීම් සම්බන්ධයෙන් වන්දි ලබා දීමේ ක්රියාවලිය පිළිබඳව ද විධිමත් පරීක්ෂණයක් පැවැත්විය යුතු බව ඔහු අවධාරණය කළේය. මෙම පරීක්ෂණ තුළින් සත්ය වශයෙන්ම දේපල හානි සිදු වූ පුද්ගලයින්ට සාධාරණ වන්දි මුදලක් ලබා දීමටත්, එම ප්රහාර සැලසුම් කළ හා උසි ගැන්වූ පුද්ගලයින් නීතිය හමුවට පමුණුවා ඔවුන්ට එරෙහිව නීතිමය පියවර ගැනීමටත් හැකියාව ලැබෙනු ඇති බව ඔහු පෙන්වා දුන්නේය.
ප්රේමනාත් දොලවත්ත තමන්ගේ අරගලනිවාස ගිනිබත්වීම් ගැන පවසා රුපියල් ලක්ෂ 23 ක වන්දි ලබාගත් පුද්ගලයෙකි.
Comments
Post a Comment
Your comment will be visible after approval