ලී ක්වාන් යූගේ පුතා සිංගප්පූරු අගමැති ධූරය වසර 20 කට පසු අතහරී

සිංගප්පූරුවේ දීර්ඝ කාලයක් අගමැති ධුරය දැරූ Lee Hsien Loong වසර 20කට පසු බලයෙන් ඉවත් වන්නේ ලෝරන්ස් වොන්ග්ට බලය පවරා දෙමිනි.
ලී  සියෑන් ලූන් Lee Hsien Loong යනු සිංගප්පූරුව සංවර්ධනය කළ නියමුවා වූ ලී ක්වාන් යූගේ පුත්‍රයාය. ඔහු 2024 වසරේ විශ්‍රාම ගන්නා බවට දන්වා සිටියේ මීට වසර කිහිපයකට පෙරයි.

ඔහු බලය අතහරින්නේ ඡන්ද පරාජයකින් නොවන නමුත් ඔහුගේ පාලන කාලයේ මුල මැද සාර්ථක වූවත් අවසන් භාගය යම් යම් විවේචන වලට ලක්ව තිබුණි.1965 මැලේසියාවෙන් නිදහස ලැබීමෙන් පසු සිංගප්පූරුවට අගමැතිවරු තිදෙනෙක් පමණක් සිට ඇති අතර, ඒ සියල්ලන් එකම පක්ෂයක් (PAP) නියෝජනය කර තිබේ.
  සිංගප්පූරුවේ ආර්ථිකය විවිධාංගීකරණය කිරීම සහ වර්ධනය කිරීම මෙන්ම විවිධ අර්බුද මැද රට සාර්ථකව ගමන් කිරීම සම්බන්ධයෙන් ලී  සියෑන් ලූන් මහතා ගෞරවයට පාත්‍ර වී ඇත.
 
  කෙසේ වෙතත්, ඔහුගේ ධූර කාලය විවේචනයට ද මුහුණ දී ඇත, විශේෂයෙන් ඉහළ යන අසමානතාවය, සමාජ ගැටළු සම්බන්ධයෙන් විවේචන පැවතිණි. නව අගමැතිවරයා ලෝරන්ස් වොන්ග් හිටපු ආර්ථික විද්‍යාඥයෙක් සහ සිවිල් සේවකයෙකි. ඔහුගේ පත්වීම සිංගප්පූරුවට වඩා සාමාන්‍ය ප්‍රජාතන්ත්‍රවාදයක් කරා මාරුවීමක් සනිටුහන් කරමින් ලී කෙනෙකු නොමැතිව අගමැතිවරයකු පත්වන පළමු අවස්ථාව සනිටුහන් කරයි.