දකුණු කොරියාවේ විරුද්ධ පක්ෂයට එරට පාර්ලිමේන්තුවේ බලය ලබාදෙමින් එරට මහ මැතිවරණයෙන් විශිෂ්ට බහුතරයක් දිනාගෙන තිබේ.
ඩිමොක්‍රටික් පක්ෂය (ඩීපීකේ) සහ කුඩා විරුද්ධ පක්ෂ එක්ව ජාතික සභාවේ ආසන 300කින් 192ක් දිනා ගත්හ.
බලයේ වසර තුනක් ඉතිරිව ඇති ජනාධිපති යූන් සුක් යොල් පිළිබඳ මධ්‍යකාලීන ජනමත විචාරණයක් ලෙස
ආහාර මිල ඉහළ යාම, සීඝ්‍රයෙන් වයස්ගත වන ජනගහනය සහ දැනට ක්‍රියාත්මක වෛද්‍ය වැඩවර්ජනය ඇතුළු ගැටලු ගණනාවක් විසඳීමට නොහැකිවීම නිසා පැවති රජය විවේචනයට ලක්විය.
මතභේදයකට තුඩු දී ඇති ජනපති යූන් මහතාගේ බිරිඳ කිම් කියෝන් හී ගේ සුඛෝපභෝගී ජීවිතය හා ඔහුගේ පක්ෂයේ ජ්‍යෙෂ්ඨ සාමාජිකයින්ට එල්ලවූ දූෂණ සහ බලය අවභාවිත කිරීමේ චෝදනා මැතිවරණ සමය උණුසුම් කර තිබේ.
"මෙය ඩිමොක්‍රටික් පක්ෂයේ ජයග්‍රහණයක් නොව ජනතාව ලැබූ විශිෂ්ට ජයග්‍රහණයක්" යැයි ඩීපීකේ නායක ලී ජේ-මියුන් බ්‍රහස්පතින්දා පැවසීය.
"පවතින ආර්ථික අර්බුදයට මුහුණ දීම සඳහා දෙපස සිටින දේශපාලනඥයන් අපගේ ශක්තිය එක්රැස් කළ යුතුය. ජීවනෝපාය අර්බුදය විසඳීමට ප්‍රජාතන්ත්‍රවාදී පක්ෂය නායකත්වය දෙනු ඇත," ඔහු වාර්තාකරුවන්ට පැවසීය.
0 Comments