මීට මාසයකට පෙර අමිතාබ් බච්චන් කෝවිඩ් -19 වෙතින් සුවය ලැබුවද Kaun Banega Crorepati (කේබීසී) වැඩසටහන් මාලාවත් සමඟ ඔහු දිගටම රැඳී සිටියි. 77 හැවිරිදි ඔහු එකදිගටම එහි රූගත කිරීම් සිදු කර ඇති අතර බ්‍රහස්පතින්දා දින පැය 17 කට ආසන්න කාලයක් මෙසේ රූගත කිරීම් වෙනුවෙන් කැප කර තිබේ.
කෙසේවෙතත් ඔහුගේ වර්තමාන කාර්යයන් පිළිබඳව මධ්‍යම රාත්‍රියේ සිය බ්ලොග් අඩවියට ලියූ අමිතාබ් පණිවිඩය ආරම්භ කරන්නේ “Back from work a little while ago .. and that would be an almost 17 hrs of work in a day ලෙස පල කරමිනි. එමෙන්ම මෙහිදී කෝවිඩ් 19ට තමා ප්‍රතිචාර දක්වා ඇති ආකාරයත්, දිවා කාලයේදී කේබීසී වැඩසටහන් පැවැත්වීම සම්බන්ධයෙනුත් ඔහු අදහස් පල කර තිබුණි. එහිදී වැඩසටහනේ විවිධ කොටස් සඳහා ඇඳුම් මාරු කිරීමට අවශ්‍ය බව ද එය තරමක් අනතුරුදායක බවද පවසා ඇත.
කේබීසීහි මෙම තරඟය පිළිබඳව අදහස් දැක් වූ ඔහු මෙම උණුසුම් ආසනය තුළ කෙරෙන ක්‍රීඩාව තුළින් කෙටි කාලයක් ඇතුළත පැමිණෙන සියල්ලන්ටම තම ජීවිත වෙනස් කරගත හැකි බව පවසා තිබුණි. මෙහි පළමු වටයේදී වේගයෙන් පිළිතුරු ලබා දෙන තැනැත්තා තේරී පතවන බැවින් අනෙක් සාමාජිකයන්ගේ හැඟීම් බිඳී යාම පිළිබඳවද ඔහුට සංවේදීභාවයක් දැනෙනු ඇතැයිද එහිදී පවසා ඇත.
එමෙන්ම බොහෝ දෙනෙක් මෙතරම් වටිනා චෙක් පතක් සඳහා මීට පෙර හිමිකම් කියා නැති බැවින් වැඩසටහන තුළදී ලැබෙන මෙම චෙක්පතෙහි එම ප්‍රමාණය සඳහන් කරන බින්දු ගණන පිළිබඳව බොහෝ දෙනාගේ අවධානය යොමුවනු ඇති බව ද තමන් නිරීක්ෂණය කර ඇතැයි අමිතාබ් සඳහන් කර ඇත.
රිෂ්මි ඉෂාරා
