සංඝරක්ඛිත නාහිමියෝ පැවැසූහ.මෙම දැයක සභාවේ රැස්වීමක් 8 දා පස්වරුවේ විහාරස්ථ ධර්ම ශාලාවේදී පැවැති අතර එහිදී විහාරාධිපති හිමියෝ එසේ පැවසූහ. කැලණිය රජමහා විහාරස්ථ ප්‍රධාන බස්නායක නිලමේ ධම්මික ආටිගල මහතාද අනෙකුත් බස්නායක නිලමේ වරුන් ඇතුළු දායක දායිකාවෝ රැසක්ද එම අවස්ථාවට සහභාගි වූහ.එහිදී කෙටි අනුශාසනාවක් පවත්වමින් විහාරාධිපති නාහිමියෝ මෙසේද පැවසූහ.
හිටපු ගරු සභාපතිතුමා රනිල් වික්‍රමසිංහ සම්බන්ධව දායක සභාවේ වැඩි ඡන්දයෙන් කළ යෝජනාවක් විධායක සභාව මාවෙත යොමු කිරිමට යෙදුණු විධායක සභාව ඒ හා සම්බන්ධව අධ්‍යනයක් කර එතුමා අපගේ දායක සභාවේ සභාපති ධුරයෙන් බැහැර කිරිමට තිරණය කළා.
වෛද්‍යවරයෙක් විතරක් නොව ව්‍යාපාරිකයකු ලෙසින් දානපතියෙක්. සමාජ සේවකයකු ලෙසින් විහාරස්ථාන රැසකට දායකත්වය ලබාදී තිබෙනවා. ඒ මහතාගේ මව්පියන් නෑදෑයන් පවා ආගමට දහමට ලැදිව කටයුතු කරන බව කියන්නට කැමතියි.ඉතා ධාර්මිකව අපගේ විහාරස්ථානයේ පුණ්‍ය කර්ම රැසකට දායකත්වය ලබාදී ඇති ඒ මහතා ඉතාමත් නිහතමානී මහත්මයකු ලෙස හැඳින්විය හැකි යැයිද විහාරාධිපති නා හිමියෝ වැඩිදුරටත් පැවසූහ.නව සභාපති වෛද්‍ය සමන් වීරසිංහ මහතා මාධ්‍ය වෙත අදහස් දත්වමින් මෙම පැවැසීය.
ඓතිහාසික කැලණිය රජමහා විහාරය අපේ රටේ ප්‍රධාන පෙළේ බෞද්ධ සිද්ධස්ථානයක්. ඒ වගේ බුදුන් වහන්සේ වැඩම කළ ස්ථානයක්. එවැනි පුදබිමක තනතුරු ලැබිමක් ඉතාමත් භාරදූර කටයුත්තක් ලෙස මට
පැවරි තිබෙනවා. මේ තනතුර පාවිච්චි කරලා සහ මගේ තිබෙන සම්බන්ධතාව පාවිච්චි කරලා අනෙකුත් සාමාජික සාමාජිකාවන් සමග එකතු වෙලා කැලණිය පුදබිමට වටිනා දෙයක් ඉදිරි කාලයේදී කිරීමට මා බලාපොරොත්තු වෙනවා.
ඒ සඳහා සැලැස්මක් සකස් කරලා විහාරාධිපති නාහිමියන්ට නව අවුරුද්දේදී මම ඉදිරිපත් කිරීමට බලාපොරොත්තු වෙනවා. ඒ සඳහා නාහිමියන්ගේ අනුමැතිය ලැබුණට පසුව එය ක්‍රියාත්මක කිරිමට මා බලාපොරොත්තු වෙනවා. මෙතන සිටින ප්‍රධාන බස්නායක නිලමේ තුමා අනෙකුත් නිලමේ තුමන්ලා විධායක සභාව ඇතුළු දායක දායිකාවන්ගේ සහයෝගයද බලාපොරොත්තු වෙනවා යැයිද වෛද්‍ය සමන් වීරසිංහ මහතා වැඩිදුරටත් පැවැසීය.
කැලණිය - ලාල් එස්. කුමාර
