හොරණ ප්‍රදේශයම කැළඹූ රුපියල් කෝටි තුනහමාරක මහා බැංකු මංකොල්ලය, හොලිවුඩ් චිත්‍රපටයක් පරදවන අන්දමේ අතිශය සූක්ෂ්ම තිරපිටපතක් බව මේ වන විට හෙළිදරව් වී අවසන්ය.

අධ්‍යාපන කටයුතු සාර්ථක කර ගැනීම සඳහා ශාන්ති කර්මයක් සිදු කර දෙන බව පවසමින් පාසල් සිසුවියකට ලිංගික අතවර කළ බව කියන ශ්‍රී ලංකා නිදහස් පක්ෂයේ අරණායක ආසන සංවිධායක මෙන්ම අරණායක ප්‍රාදේශීය සභාවේ වත්මන් මන්ත්‍රීවරයෙකු රක්ෂිත බන්ධනාගාරගත කිරීමට මාවනැල්ල මහේස්ත්‍රාත් අධිකරණය නියෝග කර තිබේ. මාවනැල්ල මහේස්ත්‍රාත් නිලන්ත විමලරත්න මහතා විසින් ලබා දුන් මෙම නියෝගයට අනුව සැකකරු එළැඹෙන 10 වැනිදා දක්වා රිමාන්ඩ් භාරයේ පසුවනු ඇත.

පාස්කු ඉරුදින එල්ල වූ ත්‍රස්ත ප්‍රහාරය සම්බන්ධයෙන් වර්තමානයේ සිදුවෙමින් පවතින තීරණාත්මක විමර්ශන කටයුතු කිසිදු දේශපාලන මැදිහත්වීමකින් හෝ වෙනත් කිසිදු හේතුවක් මත අඩාල නොකළ යුතු බව ශ්‍රී ලංකා කතෝලික සභාව තරයේ අවධාරණය කර සිටියි. කොළඹ අගරදගුරු මැදුරේදී ඊ​යේ (08) පැවති විශේෂ මාධ්‍ය හමුවකට එක්වෙමින් කොළඹ අගරදගුරු පදවියේ මාධ්‍ය ප්‍රකාශක ගරු සිරිල් ගාමිණි පියතුමන් විසින් මෙම දැඩි ස්ථාවරය ප්‍රකාශයට පත් කරන ලදී.

පාස්කු ඉරුදින ත්‍රස්ත ප්‍රහාරය සම්බන්ධයෙන් සිදුකරන විමර්ශනවලට අදාළව අපරාධ පරීක්ෂණ දෙපාර්තමේන්තුව භාරයේ රැඳවුම් නියෝග යටතේ පසුවන රාජ්‍ය බුද්ධි සේවයේ හිටපු ප්‍රධානී සුරේෂ් සලේ මහතා කොළඹ ජාතික රෝහලේ සාමාන්‍ය වාට්ටුවකට ඇතුළත් කර තිබේ.

මධ්‍යම අපරාධ විමර්ශන කාර්යාංශය විසින් මාසයක පමණ කාලයක් සිදු කරන ලද පුළුල් බුද්ධි විමර්ශනයකින් අනතුරුව, ඇමෙරිකානු ඩොලර් හත් ලක්ෂයක ව්‍යාජ නෝට්ටු තොගයක් සමඟ 54 හැවිරිදි කාන්තාවක් කොටිකාවත්ත ප්‍රදේශයේදී ඊයේ (08) අත්අඩංගුවට ගෙන තිබේ. ශ්‍රී ලංකාව තුළ මෙතෙක් සොයාගත් විශාලතම ව්‍යාජ විදේශීය මුදල් තොගයක් ලෙස සැලකෙන මෙම ඩොලර් සියයේ නෝට්ටු 7,000ක ප්‍රමාණයේ මෙරට වටිනාකම රුපියල් කෝටි 21ත් 26ත් අතර අගයක් ගන්නා බව පොලිසිය ප්‍රකාශ කරයි.

දක්ෂිණ අධිවේගි මාර්ගයේ පින්නදුව පිවිසුම අසලදි බස් රථයක් මාර්ගයෙන් ඉවතට පැන පිවිසුම් දොරේ ආරක්ෂිත ගේට්ටුවක්ද කඩාගෙන අසල තිබු කණුවක ගැටිමෙන් අද සවස අනතුරක් සිදුව ඇත.

පාස්කු ඉරුදින එල්ල වූ ත්‍රස්ත ප්‍රහාරයට අදාළව මේ දිනවල ක්‍රියාත්මක වන අතිශය සංවේදී සහ තීරණාත්මක විමර්ශන කටයුතු කඩාකප්පල් කිරීමේ අරමුණින් හිටපු ජාතික බුද්ධි ප්‍රධානී සුරේෂ් සලේ මහතා හිතාමතාම කටයුතු කරමින් සිටින බව අපරාධ පරීක්ෂණ දෙපාර්තමේන්තුව විසින් ඊයේ (8) දින කොටුව මහේස්ත්‍රාත් අධිකරණය වෙත නිල වශයෙන් දැනුම් දී ඇත.

2026 වසරට අදාළව, 05 ශ්‍රේණියේ සිසුන් සඳහා පැවැත්වෙන ශිෂ්‍යත්ව විභාගය අගෝස්තු මස 09 වැනි ඉරිදා දිනයේදී පැවැත්වෙන බව ශ්‍රී ලංකා විභාග දෙපාර්තමේන්තුව පවසයි.

2026 වසරට අදාළ අධ්‍යයන පොදු සහතික පත්‍ර උසස් පෙළ විභාගය අගෝස්තු 10 වැනිදා සිට සැප්තැම්බර් 05 වැනිදා දක්වා පැවැත්වෙන අතර විභාග දෙපාර්තමේන්තුව නිකුත් කළ කාලසටහන පහතින් දැක්වේ.