මෙසේ අත්අඩංගුවට ගෙන ඇත්තේ කළුතර නාගොඩ උදය ලර්නර්ස්‌ උඩුමහලේ පදිංචි ගෙන්නලාගේ සමන් ප්‍රියන්ත නමැත්තාය.
කළුතර දකුණ පොලිසිය විසින් මේ පිළිබඳව කළුතර වැඩබලන මහෙස්‌ත්‍රාත් බන්දුල වීරසිංහ මහතාට වාර්තාවක්‌ පෙරේදා (6දා) ඉදිරිපත් කර පරීක්‌ෂණ ආරම්භ කළ අතර පෙරේදා රාත්‍රි සිය පුතාට කතා කළ සැකකාර පියා 8 වැනිදා බැංකුවෙන් ලක්‌ෂ 10 ක මුදල ලබාගෙන තමන්ට භාරදෙන ලෙස පවසා කප්පම්කරුවන් තමාට පවසා මුදා හැරිය බව ප්‍රකාශ කළ බව පොලිසිය දන්වා තිබිණි.
පෙරේදා රාත්‍රි පොලිසිය නාගොඩ ප්‍රදේශයේ රැකවල්ලා සිට සැකකාර පියා අත්අඩංගුවට ගෙන ප්‍රශ්න කිරීමේදී තමන් අසල්වාසීන්ගෙන් ලබාගත් ණය ගෙවීම සඳහා බිරිඳගෙන් මුදල් ලබා ගැනීමට රඟපෑමක යෙදුණ බව පොලිසියට ප්‍රකාශ කර ඇත.
(විජයසිරි විද්‍යාසේකර)
